غزہ میں اسرائیلی جارحیت کا شکار فلسطینیوں سے یکجہتی کیلئے سینکڑوں افراد نے جنیوا میں اقوام متحدہ کے دفتر کے سامنے پر امن مظاہرہ کیا۔
مظاہرین نے قتل عام کی سخت مذمت کی اور اقوام متحدہ اور دوسرے عالمی اداروں پر زور دیا کہ وہ اسرائیل کے خلاف کاروائی کریں۔
انہوں نے پلے کارڈ اٹھا رکھے تھے جن پر آزاد فلسطین اور دہشتگرد اسرائیل کے نعرے درج تھے۔
مظاہرین نے اسرائیلی تسلط کے خاتمے اور غزہ میں قتل عام کی غیر جانبدار تحقیقات کا بھی مطالبہ کیا۔
