ماحولیاتی تبدیلی کے بارے میں خصوصی معاون ملک امین اسلم اور قومی سلامتی کے بارے میں وزیراعظم کے معاون خصوصی ڈاکٹر معید یوسف نے وزیراعظم عمران خان سے منگل کے روز اسلام آباد میں ملاقات کی ۔ملاقات میں ملک امین اسلم نے وزیراعظم کو ماحولیاتی سربراہ کونسل کے سلسلے میں ملنے والی دعوت کے بارے میں آگاہ کیا ۔وزیراعظم نے ملک امین اسلم کو ہدایت کی کہ وہ پاکستان کی نمائندگی کریں اور ماحولیاتی تبدیلیوں سے نمٹنے کیلئے حکومت پاکستان کے اقدامات اجاگر کریں۔