یورپی یونین نے میانمار کی فوجی حکومت کے دس رہنمائوں اور فوج کے دو اہم ذیلی اداروں پر پابندیاں عائد کرتے ہوئے ملک میں منتخب حکومت کی بحالی کا مطالبہ کیا ہے۔ایک بیان میں یورپی یونین کے رکن ملکوں نے کہا کہ پابندیوں میں اثاثہ جات منجمد کرنا اور ویزے پر پابندی شامل ہے۔یورپی یونین نے کہا کہ جن رہنمائوں پر پابندیاں عائد کی گئی ہیں وہ جمہوریت کو نقصان پہنچانے اور انسانی حقوق کی سنگین خلاف ورزیوں کے ذمہ دار ہیں۔