کشمیر میڈیا سروس کی جانب سے جاری کی گئی ایک رپورٹ میں کہا گیا ہے کہ بھارت دنیا میں آلودگی پھیلانے کے حوالے سے تیسرا بڑا ملک بن گیا ہے۔رپورٹ میں بتایا گیا ہے کہ بھارت دنیا میں زہریلی گیس خارج کرنے والا بڑا ملک ہونے کے ساتھ موسمیاتی تبدیلی کے حوالے سے انتہائی غیر محفوظ ممالک میں شامل ہے۔ملک میں پہلے ہی موسمیاتی تبدیلی کا عمل جاری ہے اور پانی کی قلت، گرمی کی لہر اور خشکی، شدید طوفان اور سیلاب آنے کے ساتھ ساتھ صحت اور روز گار پر بھی اس کے سنگین اثرات مرتب ہو رہے ہیں۔بھارت میں فضائی آلودگی کے بڑے ذرائع میں گاڑیاں، پکوان کیلئے ایندھن، بجلی کی پیداوار، صنعت، تعمیرات، کوڑا کرکٹ اور زرعی فضلے کو جلانا شامل ہے۔