وہ یہ دورہ ایران کے صدر حسن روحانی کی دعوت پرکررہے ہیں۔
وہ ایران کی قیادت کے ساتھ دوطرفہ بات چیت کیلئے تہران جاتے ہوئے مشہد میں بھی مختصر قیام کریں گے ۔
وزیراعظم ایران کے رہبر اعلیٰ سید علی خامنہ ای سے ملاقات کریںگے اور صدرروحانی کے ساتھ تفصیلی تبادلہ خیال کریں گے ۔
عمران خان ایران اورپاکستان کی تاجر برادری کے ارکان سے بھی ملاقات کریں گے۔
پاکستان کے ایران کے ساتھ تعلقات قریبی ، تاریخی ، ثقافتی ، عوامی سطح پر مضبوط روابط پر مبنی ہیں۔
وزیراعظم کے دورہ ایران سے دونوں ملکوں کے قریبی تعلقات مزید مضبوط ہوں گے۔