مقبوضہ کشمیر میں حریت فورم کے چیئرمین میرواعظ عمر فاروق نے کہا ہےکہ بڑے پیمانے پر انتخابی ڈرامے سے لاتعلق رہ کر کشمیری عوام نے پرامن طورپر یہ باور کرایا ہے کہ وہ ایسے سیاسی اقدامات کے خواہشمند ہیں جن سے مسئلہ کشمیر کے حل کی راہ ہموار ہو۔انہوں نے سری نگر میں ایک بیان میں کہا کہ کشمیری عوام اور حریت قیادت دیرینہ تنازعے کے حل کیلئے تمام اقدامات کی حمایت کریںگے ۔انہوں نے کہاکہ مسئلہ کشمیر گزشتہ 71سال سے پاکستان اور بھارت کے درمیان کشیدگی کی بنیادی وجہ ہے لیکن بھارت کی تمام حکومتیں اسے حل کرنے میں ناکام رہیں ۔میرواعظ نے کنٹرول لائن کے پار تجارت معطل کرنے کے حوالے سے بھارتی حکومت کے فیصلے پر گہری تشویش ظاہر کی ۔