خیبرپختونخواحکومت نے صوبے کے بہترانتظامی اموراورفاٹا کی تیز ترترقی کیلئے قبائلی اضلاع کے انضمام کا عمل تیز کردیا ہے ۔آج پشاور میں داخلہ اور قبائلی امور کے محکمہ کے ایک سرکاری نوٹی فیکیشن کے مطابق قبائلی اضلاع میں پندرہ سیاسی حوالات سب جیلیں قراردی گئی ہیں ۔تفصیل کے مطابق ضلع خیبر میں تین حوالاتوں کوسب جیلیں قراردیاگیا ہے جبکہ قبائلی اضلاع کرم ، مہمند باجوڑ، اورکزئی اور شمالی اور جنوبی وزیرستان میں ہردو میں سے ایک سیاسی حوالات کو سب جیل قراردیاگیا ہے۔قبائلی علاقوں میں امن عامہ میں بہتری کیلئے پچیس پولیس سٹیشن بھی قائم کئے جائیںگے۔