شمالی وزیرستان کے علاقہ ملک خیل میں سیکورٹی فورسز کی خفیہ اطلاعات کی بنیاد پر کارروائی میں دو دہشت گرد مارے گئے ہیں جن میں ان کا ایک کمانڈر رحمت عرف خالد شامل ہے۔

فائرنگ کے تبادلے کے دورن حوالدار شہزاد رضا شہید ہو گئے جبکہ تلاشی کی کارروائی کے دوران بڑی مقدار میں اسلحہ بھی برآمد ہوا۔

دہشت گردرحمت عرف خالد دیسی ساختہ بم بنانے کا ماہر تھاجو سیکورٹی فورسز کے خلاف مختلف دہشت گردی کے واقعات میں ملوث تھا۔وہ2009 سے علاقے میں بھتہ خوری اغواء برائے تاوان اور ٹارگٹ کلنگ میں بھی ملوث تھا۔