وزیراعلیٰ پنجاب سردارعثمان بزدار نے کہا ہے کہ اسلام معاشرے میں پرامن بقائے باہمی اور مساوات پر زوردیتا ہے ۔آج سماجی انصاف کے عالمی دن کے موقع پر انہوں نے کہاکہ اس دن کو منانے کا مقصد سماجی انصاف کی اہمیت اجاگر کرنا ہے ۔عثمان بزدار نے کہاکہ پاکستان تحریک انصاف کی حکومت سماجی انصاف کی علمبردار ہے کیونکہ انصاف اور مساوات پرمبنی معاشرہ مجموعی ترقی کیلئے ناگزیر ہے ۔انہوں نے افسوس ظاہر کیاکہ بھارت کے زیر تسلط جموں وکشمیر میں بھارتی حکومت کی سماجی ومعاشی ناانصافیوں کے باعث کشمیریوں کو بدترین صورتحال کاسامنا ہے۔