روس نے خبردار کیا ہے کہ وہ یورپ میں کسی بھی قسم کے درمیانے فاصلے تک مار کرنے والے جوہری ہتھیاروں کی تنصیب پر ردعمل ظاہر کرے گا۔روس کے صدر ولادی میر پیوٹن نے پارلیمنٹ سے اپنے سالانہ خطاب میں کہا کہ روس کسی تنازعہ میں ملوث نہیں ہونا چاہتا اور نہ ہی درمیانے فاصلے تک مار کرنے والے جوہری ہتھیاروں کے معاہدے سے امریکہ کی دستبرداری کے جواب میں میزائلوں کی تنصیب میں پہل کرے گا۔تاہم انہوں نے کہا کسی تنصیب کی صورت میں روس بھرپور ردعمل ظاہرکرے گا اور امریکہ کے پالیسی سازوں کو کوئی بھی قدم اٹھانے سے پہلے خطرات کو مدنظر رکھنا چاہئے۔