پاکستان سپر لیگ کے تیسرے ایڈیشن کی ٹرافی کی تقریب رونمائی منگل کے روز دوبئی میں ہورہی ہے۔
ٹرافی کو ہیلی کاپٹر کے ذریعے تقریب میں پہنچایاجائے گا جہاں پی ایس ایل ٹیموں کے کپتان اسے وصول کرینگے۔دفاعی چمپئن پشاورزلمی کے کپتان ڈیرن سیمی ٹرافی کو تقریب میں لائیں گے۔تقریب میں پاکستان کرکٹ بورڈ کے اعلیٰ عہدیداران سمیت پی ایس ایل فرنچائزز کی انتظامیہ اور مالکان شریک ہوں گے۔ٹورنامنٹ کی افتتاحی تقریب اس ماہ کی 22تاریخ کو پشاورزلمی اورملتان سلطانز کے درمیان لیگ کے پہلے میچ سے قبل ہوگی۔