وزیر دفاع خرم دستگیر خان نے ملکی سرحدوں کے دفاع کے لئے مسلح افواج کے جراتمندانہ نصب العین میں حکومت کے مکمل تعاون کے عزم کا اعادہ کیا ہے۔انہوں نے اگلے مالی سال کے لئے دفاعی بجٹ کی تیاریوں کے حوالے سے جائزہ اجلاس کی صدارت کرتے ہوئے اس سلسلے میں اعلیٰ سطح کے خودکار نظام کی تعریف کی۔ خرم دستگیر نے بجٹ اخراجات کے بارے میں باقاعدگی سے آگاہ رکھنے پر وزارت دفاع کے ماتحت محکموں، خفیہ اداروں اور مسلح افواج کو سراہا۔وفاقی وزیر کو دفاعی اخراجات کے موجودہ رجحانات اور پرانے آلات کو نئے آلات میں بدلنے کے لئے مسلح افواج کی مالی ضروریات سے متعلق تفصیلی بریفنگ دی گئی۔