وزیراعظم عمران خان نے ملک میں منظور شدہ کورونا ویکسین کی خریداری اور ترسیل کیلئے اقدامات تیز کرنے کی ہدایت کی ہے۔
وہ اسلام آباد میں کورونا ویکسین کی خریداری کیلئے قائم کمیٹی کے اجلاس کی صدارت کررہے تھے۔وزیراعظم کو بتایا گیا کہ دو منظورشدہ کورونا ویکسین کی خریداری اور اس کی رواں سال کی پہلی سہ ماہی میں فراہمی یقینی بنانے کیلئے اقدامات کرلئے گئے ہیں۔اجلاس کو بتایا گیا کہ گزشتہ چند دنوں کے دوران دو ویکسین کے ہنگامی استعمال کیلئے منظوری دی گئی ہے تاہم مزید ویکسین کی منظوری کیلئے تیز ترین اقدامات کئے جارہے ہیں۔
