مصر اور قطر نے سفارتی تعلقات بحال کرنے پر اتفاق کیا ہے۔مصر کی وزارت خارجہ نے ایک بیان میں کہا کہ مصر اور قطر نے دوسرکاری یاداشتوں کا تبادلہ کیا جس کے نتیجے میں دونوں ملکوں نے سفارتی تعلقات بحال کرنے پر اتفاق کیا۔یہ اقدام اس ماہ کے اوائل میں متحدہ عرب امارات، سعودی عرب، بحرین اور مصر کے درمیان قطر کا بائیکاٹ ختم کرکے معاہدے کے بعد کیا گیا۔مصر نے اس ماہ کی بارہ تاریخ کو قطری پروازوں کیلئے اپنی فضائی حدود دوبارہ کھول دیں اور دونوں ملکوں کے درمیان پروازوں کا سلسلہ بحال ہوگیا۔