پنجاب حکومت آٹے کی قلت پر قابو پانے کے لئے جذبہ خیرسگالی کے تحت باقاعدگی سے خیبرپختونخوا کو پانچ ہزار ٹن گندم بھیجے گی۔
اس بات کا فیصلہ پیر کے روز لاہور میں پنجاب کے وزیراعلیٰ کی زیر صدارت ایک اجلاس میں کیاگیا ہے۔
اجلاس میں آٹے کی دستیابی ،اس کی قیمتوں اور اس کی بلا تعطل فراہمی کے حوالے سے امور کا بھی جائزہ لیا گیا۔
وزیراعلیٰ نے اجلاس سے خطاب کرتے ہوئے آٹے کی قیمت میں استحکام لانے کے لئے مربوط اقدامات کرنے کی ہدایت کی۔
