صدر ڈاکٹر عارف علوی نے کہا ہے کہ ساہیوال واقعہ کے ذمہ داروں کو انجام تک پہنچایا جائے گا۔

 انہوں نے اتوار کے روز ایک ٹویٹر پیغام میں کہا کہ یہ انتہائی المناک واقعہ ہےاور ان بچوں کا کرب اور ان کے معصوم ذہنوں پر پڑنے والے منفی اثرات ناقابل بیان ہیں جن کے والدین کو اُن کی آنکھوں کے سامنے شہید کیاگیا۔

 صدر نے کہا کہ یقیناً ریاست ان  بچوں کی دیکھ بھال کرے گی تاہم اُن کے والدین کی کمی پوری نہیں کی جاسکتی۔