ریلوے کے وزیر شیخ رشید احمد نے کہا ہے کہ ریل گاڑیوں اور ریلوے سٹیشنوں میں صفائی کا نظام مزید بہتر بنایا جائے گا اور اسٹیشنوں کے اطراف تجاوزات ختم کی جائیں گی۔
یہ بات انہوں نے اتوار کے روز ملتان میں ریلوے کے افسروں اور ڈویژنل سپرٹینڈنٹ ریلویز کے اجلاس کی صدارت کرتے ہوئے کہی۔
وفاقی وزیرنے ملتان سے مال بردار گاڑیوں میں اضافے اور ساہیوال اور بہاولپور سٹیشنوں کا تعمیراتی کام مکمل کرنے کی ہدایت کی ۔
انہوں نے ریلوے کی 25 ایکڑ اراضی پودوں کی 10 نرسریوں کےلئے مختص کرنے کی ہدایت بھی کی۔
شیخ رشید احمد نے ریلوے اسٹیشن اور ہسپتال کا دورہ بھی کیا اور صفائی کا نظام اور دوسری سہولتیں بہتر بنانے کی ہدایت کی۔