صدر ڈاکٹر عارف علوی نے کہا ہے کہ دنیا چوتھے صنعتی انقلاب کے دہانے پر ہے اور اس انقلاب سے مکمل استفادہ کرنے کے لئے نوجوانوں کو جدید ٹیکنالوجی کے مختلف شعبوں میں تربیت دی جارہی ہے۔
انہوں نے یہ بات اتوار کے روز کراچی میں جدید مشینی ٹیکنالوجی اورکمپیوٹر کے استعمال کے بارے میں صدارتی پروگرام کے داخلہ ٹیسٹ میں شریک طلبہ سے خطاب کرتے ہوئے کہی۔
ڈاکٹر عارف علوی نے کہا کہ یہ پروگرام ہمارے نوجوانوں کو اندرون و بیرون ملک پیشہ وارنہ طلب پوری کرنے کےلئے تربیت اور اپنے گھر بار چھوڑے بغیر روزگار کے حصول کا موقع فراہم کرے گا۔
صدر نے کہا کہ جلد لاہور، اسلام آباد ،پشاور او ر کوئٹہ سمیت دوسرے شہروں میں بھی یہ پروگرام شروع کیا جائے گا۔