افغانستان میں حزب اسلامی کے سربراہ گلبدین حکمت یار نے اس سال جولائی میں ہونے والے صدارتی انتخابات میں حصہ لینے کا اعلان کیا ہے۔
کابل میں ایک نیوز کانفرنس میں اس بات کا اعلان کرتے ہوئے انہوں نے ملک میں امن واستحکام کی بحالی کا عزم ظاہر کیا۔حکمت یار نے کہا کہ افغانستان کی غیر مستحکم صورتحال کا تقاضاہے کہ منتخب صدر کی قیادت میں ایک مضبوط مرکزی حکومت تشکیل دی جائے جسے افغان عوام کی بھرپور حمایت حاصل ہو۔