تجارت اورسرمایہ کاری کے مشیرعبدالرزاق داود نے کہاہے کہ پاکستان کسٹمزنے پولٹری کے شعبے کے لئے کسٹم ڈیوٹی میں کمی کے حوالے سے نوٹیفکیشن جاری کردیاہے۔
مشیرتجارت وسرمایہ کاری نے ایک ٹوئیٹ میں کہاکہ یہ پہلی مرتبہ ہے کہ وزارت تجارت کی سفارش پرپاکستان کسٹمزنے برآمدی شعبے میں تنوع اورملکی برآمدات کے فروغ کے لئے یہ اقدام کیاہے۔
انہوں نے پولٹری کے شعبے سے وابستہ برآمدکنندگان پرزوردیاکہ وہ اس موقع سے فائدہ اٹھائیں اور برآمدات کے لئے نئی منڈیاں تلاش کریں۔
