منصوبہ بندی اور ترقی کے وفاقی وزیر اسد عمر نے کہا ہے کہ کراچی کے عوام نے 2018 ء کے انتخابات میں پاکستان تحریک انصاف کو بہت بڑی تعداد میں ووٹ دے کر واضح مینڈیٹ دیا ہے۔انہوں نے اتوار کے روز کراچی میں بحری امور کے وفاقی وزیر علی حیدر زیدی کے ہمراہ ایک پریس کانفرنس سے خطاب کرتے ہوئے کیا کہ نواز شریف بھارتی بیانیئے کو بیچ رہے ہیں جو کہ پاکستان کے عوام اور پوری دنیا کے لئے کسی بھی صورت قابل قبول نہیں ہوگا۔انہوں نے تمام سیاسی جماعتوں کے رہنمائوں سے اپیل کی کہ وہ قومی اداروں خاص طور سے پاک فوج پر نکتہ چینی نہ کریں جس نے گزشتہ دو برسوں کے دوران اپنے 283 افسروں اور جوانوں کی قربانی دی ہے۔اس موقع پر گفتگو کرتے ہوئے وفاقی وزیر علی زیدی نے کہا کہ تمام سیاسی جماعتیں جو کراچی میں جمع ہیں' بدعنوانی کے ذریعے لوٹی ہوئی دولت کو چھپانا چاہتی ہیں۔