وزیراعظم عمران خان نے کہاہے کہ پاکستان کی مقامی اورعالمی سطح پرمنفردشناخت کافروغ اور نوجوانوں کو ثقافتی ورثہ سے مانوس کرناحکومت کی ترجیح ہے۔
وہ اسلام آباد میں ثقافت وورثہ کی قومی شناخت کے لئے سینماکی صنعت کے کردار کی بحالی کے فروغ کے بارے میں ایک اجلاس کی صدارت کررہے تھے۔وزیراعظم نے متعلقہ وزارتوں اورمحکموں کوفلمی صنعت کی بحالی ،ثقافت کے فروغ اورملک کے سماجی اقدارکے لئے حکمت عملی وضع کرنے کی ہدایت کی۔انہوں نے کہاکہ سینما نے سماجی اقدار، قومی ورثے کواجاگرکرنے کے علاوہ عوام کومعیاری اورسستی تفریح فراہم کرنے میں اہم کرداراداکیاہے۔اجلاس کے دوران وزیراعظم کوسینماکی صنعت اوراس کو درپیش اورانہیں حل کرنے کی کوشش کے بارے میں آگاہ کیاگیا۔