وزیرداخلہ اعجازاحمدشاہ نے کہاہے کہ منی لانڈرنگ کی روک تھام کے لئے قانون سازی کسی سیاسی جماعت کو فائدہ پہنچانے کے بجائے ملک کے وسیع ترمفادمیں کی گئی ہے۔
لاہورمیں ایک تقریب سے خطاب کرتے ہوئے انہوں نے کہاکہ کوئی بھی قانون اوراحتساب سے بالاترنہیں اورتمام کوششیں معیشت کی ترقی کے لئے کی جارہی ہیں ۔ انہوں نے کہاکہ موجودہ حکومت تاجربرادری کو درپیش مسائل حل کررہی ہے۔اعجازشاہ نے کہاکہ وزیراعظم عمران خان ملکی معیشت کی بحالی کے لئے پُرعزم ہیں اور وہ اس مقصد کے لئے اپناساٹھ فیصدوقت دے رہے ہیں۔انسدادمنی لانڈرنگ کے حوالے سے پارلیمنٹ کی طرف سے نئے قوانین کی منظوری کامطلب عام آدمی کونقصان پہنچانانہیں بلکہ وہ لوگ جو غیرقانونی طورپررقوم کی منتقلی میں ملوث ہیں گرفت میں آئیں گے۔اعجازشاہ نے کہاکہ وزارت داخلہ تاجربرادری کے مفادات کوتحفظ دینے کے لئے کام کررہی ہے۔