وزیراعظم عمران خان نے جمعرات کے روز سعودی ولی عہد محمد بن سلمان سے سعودی عرب میں ملاقات کی۔
اجلاس میں دوطرفہ تعلقات پربات چیت کی گئی۔
وزیراعظم نے سعودی ولی عہد کو مقبوضہ کشمیر کی موجودہ صورتحال سے آگاہ کیا۔
عمران خان نے سعودی عرب کے تیل کے ذخائر پر حملوں کی مذمت بھی کی۔
اس سے قبل جدہ کے شاہی ٹرمینل پر پہنچنے پر شہر مکہ کے گورنرخالد الفیصل بن عبد العزیز نے عمران خان کا خیر مقدم کیا۔
اقوام متحدہ کی جنرل اسمبلی کے74 ویں اجلاس میں شرکت کی غرض سے نیو یارک جانے سے پہلے سعودی عرب کے دو روزہ سرکاری دورے کے دوران وزیراعظم سعودی قیادت کے ساتھ مقبوضہ کشمیر کی صورتحال کے حوالے سے تبادلہ خیال کریںگے۔
پانچ اگست کو مقبوضہ کشمیر کی خصوصی حیثیت ختم کرنے کے بعد وہاں کرفیو اور پابندیاں عائد کرنے کے یکطرفہ بھارتی اقدام کے بعد سے وزیراعظم عمران خان مسئلہ کشمیر کے حوالے سے سعودی عرب کے ولی عہد سے مسلسل رابطے میں ہیں۔
