امریکی وزیرخارجہ مائیک پومپیونے سعودی ولی عہدمحمدبن سلمان سے ملاقات کی اور سعودی عرب میں تیل کی تنصیبات پرحالیہ حملوں کے معاملے پربات چیت کی۔
محکمہ خارجہ کے ایک بیان کے مطابق فریقین نے ملاقات میں اتفاق کیاکہ سعودی تیل تنصیبات پرحملے ناقابل قبول ہیں اوران سے سعودی عرب کی قومی سلامتی اورملک میں مقیم امریکی شہریوں اور کارکنوں کی زندگیوں کوبھی خطرات لاحق ہوگئے ہیں۔ادھرامریکی وزیرخارجہ نے کہاکہ امریکہ سعودی عرب کے دفاع کے اس کے حق کی حمایت کرتاہے۔(این این آر، وہاج بشیر)