مقبوضہ کشمیر میں میرواعظ عمر فاروق کی سربراہی میں قائم فورم نے اقوام متحدہ کی طرف سے انسانی حقوق کی سنگین خلاف ورزیوں اور عوام کے حق خودارادیت کودبانے کا نوٹس لینے اور کشمیر کے تنازعے کے بارے میں عالمی ادارے کے فعال کردار پر اطمینان کا اظہار کیا ہے۔
سری نگر کے علاقے راج باغ میں حریت فورم کا ایک اہم اجلاس منعقد ہوا جس کی صدارت میرواعظ عمر فاروق نے کی۔
فورم کے تمام نمائندوں پر مشتمل اجلاس نے بھارتی مظالم کو بدترین ریاستی دہشت گردی قرار دیتے ہوئے کہاکہ کشمیری عوام تمام انتخابی ڈراموں کو مسترد کرتے ہیں اور صرف حق خودارادیت چاہتے ہیں۔
