اقوام متحدہ نے شام کے صوبہ ادلب میں غیر فوجی علاقے کے قیام کے روس ترکی معاہدے پر فوری عملدرآمد کا مطالبہ کیا ہے۔
سلامتی کونسل میں ایک بریفنگ کےدوران خطاب کرتےہوئے شام کے لئے اقوام متحدہ کے خصوصی نمائندے سٹیفن ڈی مسٹورا نے کہا کہ معاہدے پر عملدرآمد سے ادلب میں امن بحال ہوگا۔
انہوں نے کہا کہ ادلب میں اور کسی بھی دوسری جگہ فوجی حل ممکن نہیں اور اقوام متحدہ خطے میں امن و استحکام کی بحالی کے لئے ایک جامع سیاسی عمل چاہتی ہے۔