سکردو میں اس ماہ کی 23 سے 25 تاریخ کو منعقد ہونے والی سرفرنگہ ڈیزرٹ ریلی کے تیسرے مرحلے کو مقبوضہ کشمیر کے مظلوم عوام کے نام کردیا گیا ہے۔
اس بات کااعلان گلگت بلتستان کے سیکرٹری سیاحت آصف اللہ خان نے آج اسلام آباد میں نیوزکانفرنس کے دوران کیا۔
انہوں نے کہا کہ مقبوضہ کشمیر کے عوام کے ساتھ اظہار یکجہتی کےلئے ریلی میں شامل گاڑیوں پر پاکستان اور آزاد کشمیر کے پرچم لہرائے جائیں گے۔
سیکرٹری نے کہا کہ اس ریلی کے انعقاد سے گلگت بلتستان کی ثقافت اور سیاحت کو فروغ ملے گا۔
آصف اللہ خان نے کہا کہ اس ریلی کی انعامی رقم 35 لاکھ روپے ہے۔
انہوں نے کہا کہ اب تک اس ریلی میں شرکت کےلئے ساٹھ جیپوں اور چالیس موٹر بائیکس کا اندراج کیا جاچکا ہے۔.این این آر /نصیرقریشی