پاکستان مسلم لیگ نون کے وزیراعلیٰ کے امیدوار حمزہ شہباز شریف نے کہا ہےکہ ان کی جماعت چاہتی ہے ملک میں جمہوری نظام آگے بڑھے۔
اتوار کے روز پنجاب اسمبلی کے باہر صحافیوں سے گفتگو کرتے ہوئے انہوں نے کہاکہ پاکستان مسلم لیگ (ن) آج کے انتخابی اجلاس میں بوجھل دل کے ساتھ شرکت کررہی ہے کیونکہ ایوان میں سب سے بڑی جماعت ہونے کے باوجود اسے حکومت سازی کا موقع نہیں دیاگیا۔
انہوں نے انتخابات میں دھاندلی اور ہارس ٹریڈنگ کے الزامات کی تحقیقات کےلئے پارلیمانی کمیشن تشکیل دینے کا مطالبہ کیا۔
