سندھ کے وزیراعلیٰ سید مراد علی شاہ نے متعلقہ حکام کو مناسب آبی انتظام کے ذریعے لاڑکانہ، دادو،بدین اور ٹھٹھہ کو پانی کی فراہمی یقینی بنانے کی ہدایت کی ہے۔
آج کراچی میں ایک اجلاس کی صدارت کرتے ہوئے انہوں نے صوبے میں پانی کی قلت پر گہری تشویش ظاہر کی اور اس حوالے سے سات دن کے اندر رپورٹ طلب کی ہے۔
انہوں نے کہاکہ اس صورتحال سے چاول کی فصل کی بوائی بھی متاثر ہوئی جو جولائی اور اگست کے درمیان بوئی جاتی ہے انہوں نے محکمہ آبپاشی سے نقصان کی رپورٹ بھی طلب کی ہے۔