ترکی نے کہا ہے کہ اسے ایف35 لڑاکا طیارے کے پروگرام سے باہر کئے جانے سے نیٹو کی طاقت پر بھی منفی اثرات مرتب ہونگے۔ترکی کے وزیر دفاع ہولوسی آکار نے سرکاری نیوز ایجنسی سے گفتگو کرتے ہوئے کہا کہ امریکہ کی جانب سے ایف35 منصوبے میں شامل نہ کرنے کا فیصلہ غیر منصفانہ ہے۔ اس سے قبل امریکہ نے ترکی کو روس سے ایس 400 فضائی دفاعی نظام کی خریداری پر ایف35 لڑاکا طیارے کے پروگرام سے نکالنے کا اعلان کیا تھا۔ دوسری طرف روسی ایس400 میزائل دفاعی نظام کی 15 کھیپ ترکی پہنچ چکی ہیں۔