پنجاب کی وزیر صحت ڈاکٹر یاسمین راشد نے کہا ہے کہ صوبائی حکومت ہسپتالوں میں حقیقی تبدیلی لانے کے لئے سخت محنت کررہی ہے اور اس سلسلے میں اقدامات کئے جارہے ہیں۔ آج لاہور میں پہلی انٹرنیشنل ڈینٹل کانفرنس سے خطاب کرتے ہوئے انہوں نے کہا کہ صحت کے ہر شعبے میں تحقیق کو نمایاں اہمیت حاصل ہے۔ ڈاکٹر یاسمین راشد نے صوبے بھر میں جعلی دندان سازوں کیخلاف بڑی کارروائی شروع کرنے کا اعلان کیا۔ انہوں نے دانتوں کی بیماریوں میں مبتلا مریضوں کے مکمل اعداد و شمار جمع کرنے کی ضرورت پرزوردیا کیونکہ بیرون ممالک میں ہر نو مولود کوڈینٹل پیکیج دیا جاتا ہے۔