سندھ کے وزیراعلیٰ سید مراد علی شاہ نے آج کراچی میں پولیو کے خاتمے سے متعلق صوبائی ٹاسک فورس کے اجلاس کی صدارت کی اور سندھ سے پولیو وائرس کے خاتمے کے لئے سخت اقدامات کی ہدایت کی۔ اجلاس کو بتایا گیا کہ کراچی کے علاقوں گڈاب ، بلدیہ، لانڈھی، بن قاسم، لیاقت آباد اور صدر میں پولیو وائرس موجود ہے جبکہ حیدر آباد، جیکب آباد، دادو، قمنبر، شداد کوٹ اور صوبے کے دوسرے حصوں میں بھی وائرس کی موجودگی کی تصدیق ہوئی ہے۔ ادھر وزیراعلیٰ نے اپنی ناراضگی کا اظہار کرتے ہوئے ہدایت کی کہ اپنے بچوں کو پولیو سے بچائو کے قطرے نہ پلوانے والے والدین کے خلاف مقدمات درج کئے جائیں۔