ایران نے کہا ہے کہ وہ ایٹمی معاہدے کے تحت اپنے بعض اہم وعدوں سے دستبردار ہونے کیلئے ساٹھ روزہ حتمی مدت میں توسیع نہیں کرے گا۔ اپنے ایک بیان میں ایران کے ایٹمی توانائی کے ادارے نے کہا ہے کہ معاہدے کا رکن برقرار رہنے کیلئے حتمی مدت کے خاتمے کے بعد تہران کیلئے طے کردہ دوسرے مرحلے پر من و عن عملدرآمد کیا جائے گا۔ایران نے دوہزار پندرہ میں عالمی طاقتوں سے طے پانے والے معاہدے کے بارے میں اپنے بعض وعدوں کی مئی میں پاسداری چھوڑ دی تھی اور یہ رویہ دوہزار اٹھارہ میں امریکہ کی جانب سے معاہدے سے یکطرفہ طور پر علیحدگی اور ایران پر پابندیوں کے دوبارہ نفاذ کے بعد اختیار کیا گیا۔