وزیراعظم عمران خان نے غیرملکی براہ راست سرمایہ کاری کو راغب کرنے کیلئے سرمایہ کاروں کو کاروبار دوست ماحول فراہم کرنے کے حکومت کے عزم کا اعادہ کیا ہے۔وہ روس کے بڑے تاجروں کے ایک وفد سے گفتگو کر رہے تھے جس نے پیر کے روز اسلام آباد میں ان سے ملاقات کی۔ملاقات کے دوران بڑے پیمانے پر مینوفیکچرنگ، ریلوے اور توانائی کے شعبوں میں روس اور پاکستان کے درمیان تعاون میں اضافے پر تفصیلی غور کیا گیا۔فریقین نے پہلے سے جاری منصوبوں پر کام تیز کرنے پر اتفاق کیا۔وفد نے پاکستان میں مختلف منصوبوں میں سرمایہ کاری میں گہری دلچسپی ظاہر کی۔