بھارت میں کورونا وائرس کی بدترین صورتحال کی وجہ سے صحت کا نظام تباہی کے دھانے پر پہنچنے کے بعد دارالحکومت نئی دہلی میں آج رات سے اگلے چھ روز کیلئے سخت لاک ڈائون لگا دیا ہے۔ایک ٹویٹ میں دہلی کے وزیر اعلیٰ اروند کیجریوال نے کہا کہ نئی دہلی کو ہسپتالوں میں بستروں، طبی آکسیجن کی فراہمی اور اہم ادویات کی شدید قلت کا سامنا ہے۔انہوں نے مرکز میں نریندر مودی کی سربراہی میں بھارتیہ جنتا پارٹی کی حکومت کو دہلی کو آکسیجن کی فراہمی کم کر کے دوسرے صوبوں کو دینے کا موردِ الزام بھی ٹھہرایا۔