بھارت میں کرونا وباء کی صورتحال دن بدن گھمبیر ہوتی جا رہی ہے اور اس وقت ملک میں کورونا کے مریضوں کی تعداد ایک کروڑ پچاس لاکھ ساٹھ ہزار تک پہنچ چکی ہے۔وزارت صحت نے ایک ہی دن میں دو لاکھ تہتر ہزار آٹھ سو دس کیسز اور مسلسل تیسرے روز ڈھائی لاکھ سے زائد نئے مریض سامنے آنے کی تصدیق کی ہے۔اس کے علاوہ گزشتہ روز ایک ہزار چھ سو انیس افراد کورونا سے ہلاک ہوئے ہیں جس سے مجموعی ہلاکتوں کی تعداد ایک لاکھ اٹھہتر ہزار سات سو انہتر ہو گئی ہے۔اس وقت بھارت میں کورونا وباء کی خطرناک صورتحال کی وجہ سے صحت عامہ کے نظام کو ہنگامی صورتحال کا سامنا ہے۔