امریکی وزیرخارجہ انتونی بلنکن نے کہاہے کہ امریکہ نے افغانستان میں اپنامشن مکمل کرلیا ہے اور ہم نے امریکہ کو نشانہ بنانے کی القاعدہ کی صلاحیت ختم کرنے کے اہداف حاصل کرلئے ہیں۔ایک انٹرویومیں انہوں نے کہاکہ ہم بیس برس قبل نائن الیون حملوں کے بعدیہ امریقینی بنانے کے لئے افغانستان میں گئے تھے کہ وہ دوبارہ دہشت گردی کی جنت نہ بنے۔انہوں نے کہاکہ اگرافغانستان سے دہشت گردی کے خطرات دوبارہ ابھرے تو امریکہ کے پاس اس صورتحال سے نمٹنے کے ذرائع بھی موجودہیں۔