ناگہانی آفات سے نمٹنے کے قومی ادارے نے اتوار کے روز گلگت بلتستان کے ہسپتالوں کے ڈاکٹروں اور طبی کارکنوں کیلئے ذاتی تحفظ کے اضافی آلات کی تیسری کھیپ بھیج دی۔ناگہانی آفات سے نمٹنے کے قومی ادارے کے ترجمان کے مطابق ذاتی تحفظ کے آلات میں سرجیکل ماسک این95- ماسک حفاظتی لباسی دستانے انتہائی نگہداشت کے یونٹس میں استعمال ہونے والے جوتے اور دوسری متعلقہ اشیاء شامل ہیں۔ترجمان نے کہا کہ دوسرے صوبوں کے ہسپتالوں اور طبی عملے کیلئے آلات24 سے48 گھنٹے میں بھیج دیئے جائیں گے۔