تھرکول سے بجلی کی پیداوار شروع ہوگئی ہے اور تھرکول بلاک ٹو میں330 میگاواٹ کے ایک بجلی گھر کو قومی گرڈ کے ساتھ منسلک کیاجارہا ہے۔

 اینگرو پاور جن تھرلمیٹڈ کے چیف ایگزیکٹو آفیسر ایس ایم ظفر سید نے ریڈیو پاکستان کے کراچی کے نمائندے الطاف پیرزادو کو بتایا ہے کہ تین سو تیس میگاواٹ کا ایک اور بجلی گھر آئندہ ماہ سے بجلی کی پیداوار شروع کردے گا۔

 انہوں نے کہا کہ تھرکول بلاک ٹو پانچ ہزار میگاواٹ بجلی پیدا کرنے کی صلاحیت رکھتا ہے جو انتہائی ارزاں نرخوں پر دستیاب ہوگی۔

انہوں نے کہا کہ کمرشل بنیادوں پر تھرکول سے بجلی کی پیداوار رواں سال جون سے شروع ہوگی۔