وفاقی حکومت نے عوام کی بحالی کےلئے فاٹا میں خیمے اور کھانے پینے کی اشیا کے آٹھ ہزار سے زائد پیکیجز تقسیم کئے۔
فاٹا کے قدرتی آفات سے نمٹنے کے ادارے کے ترجمان نے ریڈیو پاکستان کے پشاور کے نمائندے کو بتایا کہ یہ پیکیجز پاکستان چین انسانی ہمدردی کے پروگرام کے تحت قبائلی علاقوں میں تقسیم کئے گئے۔
شیلٹر میٹریل میں پلاسٹک شیٹس، کمبل، خوراک کے پیکٹ اور امدادی سامان پر مشتمل کٹس شامل ہیں۔
