بین الاقوامی ماہر قانون احمر بلال صوفی نے کہا ہے کہ بھارتی جاسوس کلبھوشن جادیو کی سزا کے حوالے سے عالمی عدالت انصاف میں پاکستان کا مقدمہ مضبوط ہے۔

 ریڈیو پاکستان کے خبروں اور حالات حاضرہ کے چینل سے گفتگو کرتے ہوئے انہوں نے کہا کہ کلبھوشن جادیو کو پاکستان کے قوانین کے مطابق سزاسنائی گئی۔

عالمی عدالت انصاف میں بھارتی وکیل کی طرف سے پیش کئے گئے دلائل سےمتعلق سوال پر احمر بلال صوفی نے کہاکہ ان دلائل میں کوئی نئی بات نہیں ہے۔

انہوں نے کہا کہ یہ دلائل متوقع تھے اور اسی لئے پاکستان نے اپنے تحریری جواب میں کونسلر رسائی سے متعلق ان نکات پر پہلے ہی غورکیا ہے۔

انہوں نے کہا کہ ایک جاسوس کو کونسلر رسائی فراہم نہیں کی جاتی۔

 احمر بلال صوفی نے کہا کلبھوشن جادیو بھارت کی نمائندگی کرتا ہے لہٰذا دہشت گردی اور تمام تخریبی کارروائیوں کا تعلق بھارت سے ہے۔