بھارت میں مظاہرین نے وزیراعظم نریندر مودی کوہزاروں خطوط ارسال کرنے کےلئے ایک پوسٹ کارڈ مہم شروع کی ہے ان خطوط میں مسلمان مخالف شہریت کا متنازع ترمیمی قانون واپس لینے پر زور دیا جائے گا۔
نئی دہلی کے مسلمان اکثریتی علاقے شاہین باغ میں مظاہرین نے پوسٹ کارڈز میں ہندوقوم پرست رہنما سے کہا کہ وہ انہیں شہریت ثابت کرنے پر مجبور نہ کریں۔
ادھر حزب اختلاف کی جماعتوں اور سماجی کارکنوں نے شہریت قانون کو بھارتی سکیولر آئین کی خلاف ورزی قرار دیتے ہوئے اسے سپریم کورٹ میں چیلنج کردیا ہے۔
(این این آر، وہاج بشیر)