سمندری امور کے وزیر سید علی حیدر زیدی نے کہا ہے کہ ہم پہلی بار پورٹ قاسم پر ایک ہی وقت میں ایل این جی کے دو جہاز لنگر انداز کرنے میں کامیاب ہوئے ہیں ۔

ایک ٹویٹ میں انہوں نے کہاکہ آج ایک تاریخ رقم ہوئی ہے ۔

سمندری امور کے وزیر نے پورٹ قاسم اتھارٹی کی ٹیم کو خراج تحسین بھی پیش کیا ۔

انہوں نے کہاکہ پورٹ قاسم اتھارٹی سمندری حدود کی نگرانی کے معاملے سے نمٹنے کیلئے اگلے دو ہفتوں میں رات کے وقت نگرانی کا عمل شروع کرے گی ۔