پنجاب کے وزیرخوراک سمیع اﷲ چوہدری اور پنجاب فوڈ اتھارٹی کے ڈائریکٹر جنرل محمد عثمان نے آج لاہور میں وزیراعلی پنجاب عثمان بزدار سے ملاقات کی ۔انہوں نے وزیراعلی کو پنجاب فوڈ اتھارٹی کی کارکردگی کے بارے میں رپورٹ پیش کی ۔سردارعثمان بزدار نے اتھارٹی کی کارکردگی کی تعریف کی اور صوبے میں ملاوٹ کے خلاف مہم تیز کرنے کی ہدایت کی ۔انہوںنے کہاکہ عوام کو صحت مند خوراک کی فراہمی ریاست کی ذمہ داری ہے ۔انہوں نے کہاکہ پنجاب فوڈ اتھارٹی کو ملاوٹ کرنے والوں کے خلاف بلاتفریق کارروائی جاری رکھنی چاہیے ۔