مقبوضہ کشمیر میں جموں وکشمیر مسلم لیگ نے کشمیری سیاسی قیدیوں کے ساتھ رکھے جانے والے نارواسلوک کی سخت مذمت کرتے ہوئے کہاہے کہ انھیں ذہنی اور نفسیاتی تشدد کا نشانہ بنایاجارہا ہے۔

جموں وکشمیر مسلم لیگ کے قائم مقام چیئرمین عبدالاحد پارا نے سری نگر سے جاری ایک بیان میں کہاکہ ہریانہ کی جیل میں قید حریت رہنمائوں فیروز احمدخان، مفتی ندیم اورمشتاق احمد HURRA سے مجرموں جیسا سلوک کیاجارہا ہے۔عبدالاحد پارانے انسانی حقوق کی عالمی تنظیموں پرزوردیا کہ وہ غیرانسانی اور غیرجمہوری طرز عمل ترک کرنے اور دیرینہ مسئلہ کشمیر کو کشمیری عوام کی امنگوں کے مطابق حل کرنے کیلئے بھارت پردبائو ڈالیں۔