خیبرپختونخوا کے وزیراعلی محمود خان نے کہا ہے کہ حکومت صوبے کی ترقی کیلئے تیل اورگیس کے ذخائر برائے کار لانے کیلئے موثر اقدامات کررہی ہے ۔آج پشاور میں ایک اجلاس کی صدارت کرتے ہوئے انہوں نے کہاکہ تیل اور گیس کے ذخائر بروئے کار لانے کیلئے جدید ترین ٹیکنالوجی استعمال کی جائے گی ۔محمود خان نے کہاکہ صوبے کے جنوبی اضلاع میں تیل اور گیس کی تلاش کیلئے غیرملکی کمپنیوں کو متعدد لائسنس جاری کئے گئے ہیں۔