صدر ڈاکٹر عارف علوی نے نظم ونسق بہتر بنانے کےلئے مختلف شعبوں میں عصرحاضر کی ٹیکنالوجی متعارف کرانے پرزور دیاہے۔
آج اسلام آباد میں نیشنل انفارمیشن ٹیکنالوجی بورڈ کے بورڈ آف گورنرز کے پہلے اجلاس کی صدارت کرتے ہوئےانہوں نے کہا کہ دورحاضر کی ٹیکنالوجی اپناتے ہوئے عوامی خدمت کامعیار بہتر بنایا جاسکتا ہے۔
انہوں نے کہاکہ انفارمیشن ٹیکنالوجی ملک کی معیشت کو بحال کرنے کی صلاحیت رکھتی ہے۔