نیشنل ہیلتھ سروسز کے وزیر عامر محمود کیانی نے کہا ہے کہ حکومت ذرائع ابلاغ کی آزادی پر پختہ یقین رکھتی ہے اور ایک نجی ٹیلی ویژن چینل کے کیمرہ مین پر تشدد کے واقعے کی مذمت کرتی ہے۔
یہ بات انہوں نے پمز ہسپتال اسلام آباد میں کیمرہ مین سید واجد علی کی عیادت کے بعد کہی جسے گزشتہ روز پارلیمنٹ ہاؤس کے باہر نواز شریف کے محافظوں نے زخمی کردیا تھا۔
وفاقی وزیر نے ہسپتال انتظامیہ کو ہدایت کی کہ واجد علی کو بہترین ممکنہ سہولتیں فراہم کی جائیں۔
