انسانی حقوق کی عالمی تنظیم ایمنسٹی انٹر نیشنل نے مقبوضہ کشمیر میں بھارتی فوج کے ہاتھوں شہریوں کے قتل عام کی آزادانہ  تحقیقات کا مطالبہ کیا ہے۔

 مقبوضہ کشمیر کے ضلع پلوامہ میں بھارتی مظالم پر تبصرہ کرتے ہوئے ایمنسٹی انڈیا کے پروگرام ڈائریکٹر Asmita Basu نے کہا کہ آتشیں اسلحے کے استعمال کی اجازت اس وقت دی جانی چاہیے جب قانون نافذ کرنے والے حکام ان افراد میں تمیز کرسکیں کہ کون تشدد میں ملوث ہے اور کون پر امن مظاہروں میں مصروف ہیں۔

ادھر مقبوضہ کشمیر کے انسانی حقوق کمیشن نے متعلقہ حکام کو ہدایت دی ہے کہ وہ ضلع پلوامہ میں شہریوں کے قتل عام کی حقائق پر مبنی رپورٹ پیش کریں۔